LIVE TV LocalCrimeNationalInternationalPoliticsBusinessFinancialEducationTechnologyEntertainmentSportsHealthFeatureTravelingBeauty
Press & Media Credential Portal
✕
1. Apply for Press ID Card
Register official reporter application with Email OTP.
➔
2. Download Approved Badge
Enter Card ID to receive authorization code via email.
3. Verify Reporter ID & Card (View Only)
For Public & Police: Check if card is authentic.
Local News

ಮಹದಾಯಿ ಅರಣ್ಯದಲ್ಲಿ ಹುಲಿ ಪತ್ತೆ

ಬೆಳಗಾವಿ, ನ. 21: ಎರಡು ವರ್ಷಗಳ ಬಳಿಕ ಮಹದಾಯಿ ನದಿ ಜಲಾನಯನ ಪ್ರದೇಶದಲ್ಲಿ ಹುಲಿಯೊಂದು ಕಾಣಿಸಿಕೊಂಡಿದ್ದು, ಪಶ್ಚಿಮಘಟ್ಟದ ಈ ಅರಣ್ಯ ಪ್ರದೇಶವನ್ನು ಹುಲಿ ಸಂರಕ್ಷಿತ ಪ್ರದೇಶವನ್ನಾಗಿ ಘೋಷಿಸಬೇಕೆಂಬ ಬೇಡಿಕೆ ಮತ್ತೆ ಮುನ್ನೆಲೆಗೆ ಬಂದಿದೆ.

ನವೆಂಬರ್ 18ರ ಸಂಜೆ ಕಳಸಾ ಹಳ್ಳದ ಸಮೀಪ ಹಸುವಿನ ಕಳೇಬರವನ್ನು ತಿನ್ನುತ್ತಿದ್ದ ಗಂಡು ಹುಲಿಯ ಚಿತ್ರ ಸೆರೆಹಿಡಿಯಲಾಗಿದೆ. ಈ ಹುಲಿ ಬೆಳಗಾವಿ ಜಿಲ್ಲೆಯ ಕಣಕುಂಬಿ ಅರಣ್ಯ ವ್ಯಾಪ್ತಿಯಲ್ಲಿ ಕಾಣಿಸಿಕೊಂಡಿರುವುದಾಗಿ ಕರ್ನಾಟಕ ಮತ್ತು ಗೋವಾ ಅರಣ್ಯ ಅಧಿಕಾರಿಗಳು ತಿಳಿಸಿದ್ದಾರೆ.

ಗೋವಾ ಅರಣ್ಯ ಇಲಾಖೆ ಈ ಹುಲಿಯನ್ನು ಸಹ್ಯಾದ್ರಿ–ಕೊಂಕಣ ವನ್ಯಜೀವಿ ಸಂಪರ್ಕ ಪ್ರದೇಶದಲ್ಲಿ ಸಂಚರಿಸುವ SKT-39 ಎಂದು ಗುರುತಿಸಿದೆ. ಮಹಾರಾಷ್ಟ್ರ ಮತ್ತು ಕರ್ನಾಟಕದ ಅರಣ್ಯ ಪ್ರದೇಶಗಳಲ್ಲಿಯೂ ಈ ಹುಲಿ ಸಂಚರಿಸುತ್ತಿರುವುದಾಗಿ ತಿಳಿಸಿದೆ.

2024ರಲ್ಲೇ ಪತ್ತೆಯಾಗಿದ್ದ ಹುಲಿ

ವನ್ಯಜೀವಿ ಸಂರಕ್ಷಣಾ ಟ್ರಸ್ಟ್‌ನ ಕ್ಷೇತ್ರ ಜೀವಶಾಸ್ತ್ರಜ್ಞ ಗಿರೀಶ್ ಪಂಜಾಬಿ ಅವರ ಪ್ರಕಾರ, 2024ರಲ್ಲಿ ತಿಲ್ಲಾರಿ ನದಿ ಜಲಾನಯನ ಪ್ರದೇಶದ ಹಡಫಡೆ–ಕುಂಬವಾಡೆ ಅರಣ್ಯದಲ್ಲಿ ಇದೇ ಹುಲಿ ಮರಿಯಾಗಿದ್ದಾಗ ತಾಯಿಯೊಂದಿಗೆ ಕಾಣಿಸಿಕೊಂಡಿತ್ತು. ಬಳಿಕ ಅದರ ಸುಳಿವು ದೊರೆತಿರಲಿಲ್ಲ.

ಗೋವಾದ ಸುರ್ಲಾ ಹಾಗೂ ಕರ್ನಾಟಕದ ಹುಲಂದ, ಕಣಕುಂಬಿ ಮತ್ತು ಮಾಣ್ ಅರಣ್ಯ ಪ್ರದೇಶಗಳಲ್ಲಿ ಹುಲಿ ಸಂಚರಿಸುತ್ತಿರುವ ಕುರಿತು ಸ್ಥಳೀಯರು ಮಾಹಿತಿ ನೀಡಿದ್ದಾರೆ.

ಹುಲಿ ಸಂರಕ್ಷಣೆಗೆ ಆಗ್ರಹ

2009ರಿಂದ 2026ರವರೆಗೆ ಗೋವಾದ ಸತ್ತಾರಿ ಪಶ್ಚಿಮಘಟ್ಟ ಅರಣ್ಯ ಪ್ರದೇಶದಲ್ಲಿ ಆರು ಹುಲಿಗಳು ಮೃತಪಟ್ಟಿವೆ. ಇವುಗಳಲ್ಲಿ ಹೆಚ್ಚಿನ ಸಾವುಗಳಿಗೆ ಮಾನವ–ವನ್ಯಜೀವಿ ಸಂಘರ್ಷ ಕಾರಣವೆಂದು ಸಂರಕ್ಷಣಾವಾದಿಗಳು ತಿಳಿಸಿದ್ದಾರೆ.

2022ರ ಹುಲಿ ಗಣತಿಯ ಪ್ರಕಾರ ಗೋವಾದಲ್ಲಿ ಐದು ಹುಲಿಗಳಿರುವುದು ದಾಖಲಾಗಿತ್ತು. ಕರ್ನಾಟಕ–ಗೋವಾ ಗಡಿಭಾಗದ ಪಶ್ಚಿಮಘಟ್ಟದಲ್ಲಿ ಅರಣ್ಯನಾಶ, ಅಭಿವೃದ್ಧಿ ಚಟುವಟಿಕೆಗಳು ಹಾಗೂ ಮಾನವ–ವನ್ಯಜೀವಿ ಸಂಘರ್ಷದಿಂದ ಹುಲಿಗಳ ಸಂಖ್ಯೆಯಲ್ಲಿ ಇಳಿಕೆ ಕಂಡುಬಂದಿದೆ.

ಮಹದಾಯಿ ಅಭಯಾರಣ್ಯ ಮತ್ತು ಸುತ್ತಮುತ್ತಲಿನ ಅರಣ್ಯಗಳಲ್ಲಿ ಹುಲಿಗಳ ರಕ್ಷಣೆಗೆ ತುರ್ತು ಕ್ರಮ ಕೈಗೊಳ್ಳುವಂತೆ ಪರಿಸರವಾದಿಗಳು ಗೋವಾದ ಮುಖ್ಯ ವನ್ಯಜೀವಿ ಪರಿಪಾಲಕ ಕೆ. ರಮೇಶ್ ಕುಮಾರ್ ಅವರಿಗೆ ಮನವಿ ಸಲ್ಲಿಸಿದ್ದಾರೆ.

ಹುಲಿಗಳ ಸಂಚಾರಕ್ಕೆ ರಾಜ್ಯಗಳ ಗಡಿ ಅಡ್ಡಿಯಾಗುವುದಿಲ್ಲ. ಹೀಗಾಗಿ ಕರ್ನಾಟಕ, ಗೋವಾ ಮತ್ತು ಮಹಾರಾಷ್ಟ್ರ ಅರಣ್ಯ ಇಲಾಖೆಗಳು ಸಮನ್ವಯದಿಂದ ಹುಲಿಗಳ ಆವಾಸಸ್ಥಾನ ಹಾಗೂ ಅರಣ್ಯ ಸಂಪರ್ಕ ಪ್ರದೇಶಗಳನ್ನು ಸಂರಕ್ಷಿಸಬೇಕೆಂದು ವನ್ಯಜೀವಿ ತಜ್ಞರು ಒತ್ತಾಯಿಸಿದ್ದಾರೆ.

Author
A B Dharwadkar
is Digital Online Newspaper, Publishing Platform From INDIA. Karnataka, National & International, Updates including Politics, Business, Crime, Education, Sports, Science, Current Affairs. Latest Breaking News From India & Around the World.
WhatsApp

Don't Miss Out! Join Our WhatsApp Group!

Get latest news updates delivered straight to your WhatsApp.

LATEST