LIVE TV LocalCrimeNationalInternationalPoliticsBusinessFinancialEducationTechnologyEntertainmentSportsHealthFeatureTravelingBeauty
Press & Media Credential Portal
✕
1. Apply for Press ID Card
Register official reporter application with Email OTP.
➔
2. Download Approved Badge
Enter Card ID to receive authorization code via email.
3. Verify Reporter ID & Card (View Only)
For Public & Police: Check if card is authentic.
Local News

ಜೈನ ಮುನಿಗಳ ಡೈರಿ ವಶಕ್ಕೆ; ಸುಟ್ಟು ಹಾಕಿದ್ದಾಗಿ ಮೊದಲು ಪೊಲೀಸರಿಗೆ ಸುಳ್ಳು ಮಾಹಿತಿ ನೀಡಿದ್ದ ಹಂತಕರು

ಬೆಳಗಾವಿ : ಚಿಕ್ಕೋಡಿ ತಾಲೂಕಿನ ಹಿರೇಕೋಡಿ ಗ್ರಾಮದ ನಂದಿ ಆಶ್ರಮದ ಜೈನ ಮುನಿ ಕಾಮಕುಮಾರ ಮಹಾರಾಜರ ಹತ್ಯೆಗೆ ಮತ್ತೊಂದು ಪ್ರಮುಖ ಸಾಕ್ಷಿ ದೊರೆತಿದ್ದು ಮುನಿಗಳು ದಿನನಿತ್ಯ ಬರೆಯುತ್ತಿದ್ದ ಡೈರಿ (ದಿನಚರಿ) ಯನ್ನು ತನಿಖಾಧಿಕಾರಿಗಳು ಆಶ್ರಮದಿಂದ ವಶಕ್ಕೆ ಪಡೆದಿದ್ದಾರೆ.



ಇದಕ್ಕೂ ಮೊದಲು ಹಂತಕರು ಮುನಿಗಳು ಬರೆಯುತ್ತಿದ್ದ ದಿನಚರಿ ಪುಸ್ತಕವನ್ನು ತಾವು ಸುಟ್ಟು ಹಾಕಿರುವದಾಗಿ ತಿಳಿಸಿ ಸುಟ್ಟಿರುವ ಸ್ಥಳವನ್ನೂ ತೋರಿಸಿದ್ದರು. ಇದನ್ನು ನಂಬಿದ್ದ ಪೊಲೀಸರು ಸುಟ್ಟ 'ದಿನಚರಿ' ಯ ಬೂದಿಯನ್ನು ಸಂಗ್ರಹಿಸಿ ಬೆಂಗಳೂರಿನಲ್ಲಿರುವ ಫಾರೆನ್ಸಿಕ್ ಪ್ರಯೋಗಾಲಯಕ್ಕೆ ಕಳುಹಿಸಿದ್ದರು. ಆದರೆ ಪರೀಕ್ಷಿಸಿದಾಗ "ಬೂದಿ ಡೈರಿಯದಲ್ಲ" ಎಂದು ವರದಿ ನೀಡಿದ್ದರು. ತನಿಖೆಯ ದಿಕ್ಕು ತಪ್ಪಿಸಲು ಸುಳ್ಳು ಮಾಹಿತಿ ನೀಡಿದ್ದ ಹಂತಕರನ್ನು ತಮ್ಮದೇ 'ಭಾಷೆ' ಯಲ್ಲಿ ವಿಚಾರಿಸಿಕೊಂಡ ಅವರು ಸುಟ್ಟದ್ದು ಡೈರಿಯಲ್ಲ, ಅದು ಆಶ್ರಮದಲ್ಲಿ ಮುನಿಗಳು ತಂಗುತ್ತಿದ್ದ ಕೋಣೆಯಲ್ಲೇ ಇದೆ ಎಂದು ಗೊತ್ತಾಗಿ ಅದನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.



ಈ ಕುರಿತು ಸಮದರ್ಶಿಗೆ ಮಾಹಿತಿ ನೀಡಿದ ತನಿಖೆಯ ಮುಖ್ಯಾಧಿಕಾರಿ, ಚಿಕೋಡಿ ಉಪ ವಿಭಾಗದ ಉಪ ಪೊಲೀಸ್ ವರಿಷ್ಠಾಧಿಕಾರಿ ಬಸವರಾಜ ಯಲಿಗಾರ ಅವರು, "ಮುನಿಗಳು ಬರೆಯುತ್ತಿದ್ದ ಡೈರಿಯಲ್ಲಿ ಆಶ್ರಮದಿಂದ ಸಾಲ ಪಡೆದವರ ಹೆಸರು, ದಿನಾಂಕ, ಪಡೆದ ಸಾಲ, ಅವರ ಫೋನ್ ನಂಬರ್, ಮನೆಉ ವಿಳಾಸ ಮುಂತಾದವುಗಳನ್ನು ನಮೂದಿಸಿದ್ದಾರೆ. ಹತ್ಯೆಯ ಪ್ರಮುಖ ಆರೋಪಿ ನಾರಾಯಣ ಮಾಳಿ ಕೂಡ 6 ಲಕ್ಷ ಸಾಲ ಪಡೆದುಕೊಂಡಿದ್ದಾನೆ" ಎಂದು ತಿಳಿಸಿದರು.



ಆರೋಪಿ ಮಾಳಿ ಮುನಿಗಳಿಗೆ ಆಪ್ತನಾಗಿದ್ದ, ಆಶ್ರಮಕ್ಕೆ ಬೇಕಾದಾಗ ಬಂದು ಹೋಗುತ್ತಿದ್ದ. ಮುನಿಗಳು ಕಟ್ಟಿಸುತ್ತಿದ್ದ ವಸತಿ ಶಾಲೆಗೆ ಮರಳು ಸಾಗಿಸುತ್ತಿದ್ದ. ರಾಯಬಾಗ ತಾಲ್ಲೂಕಿನ ಖಟಕಭಾವಿ ಗ್ರಾಮದವನಾದ ಈತ ಸರಬರಾಜು ಮಾಡುತ್ತಿದ್ದ ಮರಳನ್ನು ಕೃಷ್ಣ ನದಿಯಿಂದ ಅಕ್ರಮವಾಗಿ ತೆಗೆಯುತ್ತಿದ್ದ. ಇದು ಮುನಿಗಳಿಗೆ ಗೊತ್ತಿರಲಿಲ್ಲ. ತನ್ನ ಅಕ್ರಮ ಮರಳು ವ್ಯವಹಾರ ಸಾಂಗವಾಗಿ ನಡೆದಿದ್ದರಿಂದ ಅವನಿಗೆ ಒಂದು ಜೆಸಿಬಿ ತೆಗೆದುಕೊಂಡು ವ್ಯವಹಾರ ಇನ್ನಷ್ಟು ವೃದ್ಧಿಸುವ ಯೋಚನೆ ಬಂದಿದೆ. ಇದನ್ನು ಮುನಿಗಳಿಗೆ ತಿಳಿಸಿ ಅವರಿಂದ 6 ಲಕ್ಷ ಸಾಲ ಪಡೆದಿದ್ದ. ಪಡೆದ ಸಾಲ ಹಿಂದಿರುಗಿಸಲು ಮುನಿಗಳು ಒತ್ತಾಯಿಸುತ್ತಿದರಿಂದ ಕೂಪಿತನಾಗಿ ಅವರ ಹತ್ಯೆ ಮಾಡಲು ನಿರ್ಧಾರಿಸಿದ. ಇದಕ್ಕೆ ರಾಯಬಾಗ ತಾಲ್ಲೂಕಿನ ಹಸನಸಾಬ ಢಾಲಾಯತ ಎಂಬವನ ನೆರವು ಪಡೆದುಕೊಂಡಿದ್ದ.

Author
Samadarshi
is Digital Online Newspaper, Publishing Platform From INDIA. Karnataka, National & International, Updates including Politics, Business, Crime, Education, Sports, Science, Current Affairs. Latest Breaking News From India & Around the World.
WhatsApp

Don't Miss Out! Join Our WhatsApp Group!

Get latest news updates delivered straight to your WhatsApp.

LATEST
‘ಪ್ರಧಾನಿಯ ಸುಳ್ಳುಗಳನ್ನು ಸೈನಿಕರು ನಂಬಿಲ್ಲ’: ರಾಹುಲ್ಬೆಲೆ ಏರಿಕೆಯಿಂದ ಜನಸಾಮಾನ್ಯರು ಬದುಕುವುದು ಹೇಗೆ? : ಹೈಕೋರ್ಟ ಪ್ರಶ್ನೆಚುನಾವಣಾ ಅಕ್ರಮಗಳ ಕುರಿತು 10 ಆರೋಪಗಳ ಪಟ್ಟಿ ಮಾಡಿದ ಗೌರವ ಗೊಗೊಯ್ಎಥೆನಾಲ್ ಮಿಶ್ರಣ : ಗ್ರಾಹಕರಿಗೆ ಇಂಧನ ಆಯ್ಕೆಯ ಸ್ವಾತಂತ್ರ್ಯ ನೀಡಲಿಇರಾನ್ ಯುದ್ಧ ಅಂತ್ಯಕ್ಕೆ ಟ್ರಂಪ್ ಪ್ರಯತ್ನ: ಪುಟಿನ್, ಷಿ ಜತೆ ಮಾತುಕತೆ ಸಾಧ್ಯತೆಸಂಧಾನಕ್ಕೆ ಬನ್ನಿ, ಇಲ್ಲವೇ ನರಕ ಸೃಷ್ಟಿಸುತ್ತೇವೆ: ಅಮೆರಿಕಕ್ಕೆ ಇರಾನ್ ಎಚ್ಚರಿಕೆ 1,331ಕ್ಕೆ ಏರಿದ ದಿಲ್ಲಿ ವಾಯುಮಾಲಿನ್ಯ!ಬೆಳಗಾವಿ: ಅನೈತಿಕ ಸಂಬಂಧಕ್ಕೆ ಅಡ್ಡಿಯಾದ ಮಗನ ಕೊಲೆ, ತಾಯಿ ಸೇರಿ 6 ಮಂದಿ ಬಂಧನ, ಬಾಲಕ ವಶಕ್ಕೆದೇಶದ ಜನತೆಗೆ ಹಬ್ಬದ ಪ್ರಧಾನಿ ಮೋದಿ ದೀಪಾವಳಿ ಶುಭಾಶಯವಿಜಯಪುರ ಕೊಲೆ ಪ್ರಕರಣ: ಪ್ರಮುಖ ಆರೋಪಿ ಕಾಲಿಗೆ ಗುಂಡಿಕ್ಕಿ ಬಂಧನ