Sports

ಡಿವಿಲಿಯರ್ಸ್ ಅವರನ್ನು 6ನೇ ಕ್ರಮಾಂಕದಲ್ಲಿ ಇಳಿಸಲು ಕಾರಣ ತಿಳಿಸಿದ ಕೊಹ್ಲಿ

ಶಾರ್ಜಾ, ಅ 16 – ಭರ್ಜರಿ ಲಯದಲ್ಲಿದ್ದರೂ ಸ್ಟಾರ್‌ ಬ್ಯಾಟ್ಸ್‌ಮನ್‌ ಎಬಿ ಡಿವಿಲಿಯರ್ಸ್ ಅವರನ್ನು ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ವಿರುದ್ಧದ ಪಂದ್ಯದಲ್ಲಿ ಆರನೇ ಬ್ಯಾಟಿಂಗ್‌ ಕ್ರಮಾಂಕದಲ್ಲಿ ಆಡಿಸಲು ಕಾರಣವನ್ನು ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್‌ ಕೊಹ್ಲಿ ತಿಳಿಸಿದ್ದಾರೆ.

ಗುರುವಾರ ರಾತ್ರಿ ಶಾರ್ಜಾ ಕ್ರಿಕೆಟ್‌ ಕ್ರೀಡಾಂಗಣದಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ಮಾಡಿದ ಆರ್‌ಸಿಬಿ, ಕೊನೆಯ ಹಂತದಲ್ಲಿ ಕ್ರಿಸ್‌ ಮೋರಿಸ್‌ ಅಬ್ಬರದ ಬ್ಯಾಟಿಂಗ್‌ ನೆರವಿನಿಂದ ನಿಗದಿತ 20 ಓವರ್‌ಗಳಿಗೆ ಆರು ವಿಕೆಟ್‌ಗಳನ್ನು ಕಳೆದುಕೊಂಡು 171 ರನ್‌ಗಳನ್ನು ಗಳಿಸಿತು.

ಕಳೆದ ಸೋಮವಾರ ಕೋಲ್ಕತಾ ನೈಟ್‌ ರೈಡರ್ಸ್ ವಿರುದ್ಧದ ಪಂದ್ಯದ ಗೆಲುವಿನ ಹೀರೋ ಆಗಿದ್ದ ಎಬಿ ಡಿವಿಲಿಯರ್ಸ್ ಭರ್ಜರಿ ಫಾರ್ಮ್‌ನಲ್ಲಿದ್ದಾರೆ. ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ವಿರುದ್ಧದ ಪಂದ್ಯದಲ್ಲಿಯೂ ಅವರ ಮೇಲೆ ಸಾಕಷ್ಟು ನಿರೀಕ್ಷೆಯನ್ನು ಇಡಲಾಗಿತ್ತು. ಆದರೆ, ಅವರನ್ನು ಆರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಇಳಿಸಲಾಗಿತ್ತು. ಆಡಿದ ಐದು ಎಸೆತಗಳಲ್ಲಿ ದಕ್ಷಿಣ ಆಫ್ರಿಕಾ ಮಾಜಿ ನಾಯಕ ಕೇವಲ ಎರಡು ರನ್‌ಗಳನ್ನು ಗಳಿಸಿ ಔಟ್‌ ಆದರು.

ಪಂದ್ಯದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿದ ವಿರಾಟ್‌ ಕೊಹ್ಲಿ, ಪಂಜಾಬ್‌ ಇಬ್ಬರು ಲೆಗ್‌ ಸ್ಪಿನ್ನರ್‌ಗಳನ್ನು ಆಡಿಸಿದ್ದರಿಂದ, ಎಡಗೈ ಹಾಗೂ ಬಲಗೈ ಬ್ಯಾಟ್ಸ್‌ಮನ್‌ಗಳ ಕಾಂಬಿನೇಷನ್‌ ಜತೆ ಹೋಗಬೇಕಾಯಿತು ಎಂದು ಹೇಳಿದರು.

“ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ಅತ್ಯುತ್ತಮ ಪ್ರದರ್ಶನ ತೋರಿದೆ, ಇಂದಿನ(ಗುರುವಾರ) ರಾತ್ರಿ ನಾವು ಪಂದ್ಯದಲ್ಲಿ ಇರಲಿಲ್ಲ. ಎಬಿ ಡಿವಿಲಿಯರ್ಸ್ ಅವರನ್ನು ಆರನೇ ಕ್ರಮಾಂಕದಲ್ಲಿ ಆಡಿಸಿದ ಬಗ್ಗೆ ಚರ್ಚೆ ಮಾಡಲಾಗಿತ್ತು. ಪಂಜಾಬ್‌ ಇಬ್ಬರು ಲೆಗ್‌ ಸ್ಪಿನ್ನರ್‌ಗಳನ್ನು ಕಣಕ್ಕೆ ಇಳಿಸಿದ್ದರಿಂದ ನಾವು ಎಡಗೈ ಹಾಗೂ ಬಲಗೈ ಕಾಂಬಿನೇಷನ್‌ನಲ್ಲಿ ಆಡುವುದು ಅಗತ್ಯವಿತ್ತು,” ಎಂದು ಸ್ಟಾರ್‌ ಸ್ಪೋರ್ಟ್ಸ್‌ಗೆ ಸ್ಪಷ್ಟಪಡಿಸಿದರು.
“ಕೆಲವೊಮ್ಮೆ ಸಂಗತಿಗಳು ಹೊರಬರುವುದಿಲ್ಲ. ನಾವು ತೆಗೆದುಕೊಂಡ ನಿರ್ಧಾರಗಳಿಂದ ನಮಗೆ ತುಂಬಾ ಸಂತೋಷವಾಗಿದೆ, ಆದರೆ ಅದು ಸಕಾರವಾಗಲಿಲ್ಲ. 170 ರನ್‌ಗಳು ಯೋಗ್ಯವಾದ ಮೊತ್ತವಾಗಿದೆ. ದುಬೆ ಹಾಗೂ ಸುಂದರ್‌ ಅವರಿಗೆ ಅವಕಾಶ ನೀಡುವುದು ಉಪಾಯವಾಗಿತ್ತು. ಆದರೆ ಅವರು ಬೌಲಿಂಗ್‌ ಚೆನ್ನಾಗಿ ಮಾಡಿದ್ದಾರೆ,” ಹೇಳಿದರು.

ಕೆ.ಎಲ್‌ ರಾಹುಲ್‌ ಹಾಗೂ ಕ್ರಿಸ್‌ ಗೇಲ್‌ 16ನೇ ಓವರ್‌ 20 ರನ್‌ಗಳನ್ನು ಗಳಿಸಿದರು. ಈ ಹಂತದಲ್ಲಿ ಆರ್‌ಸಿಬಿ ಗೆಲುವಿನ ಎಲ್ಲಾ ನಿರೀಕ್ಷೆಗಳು ತಲೆ ಕೆಳಗಾದವು. ಆದರೂ, ಕೊನೆಯಲ್ಲಿ ಆರ್‌ಸಿಬಿ ಅದ್ಭುತವಾಗಿ ಕಮ್‌ಬ್ಯಾಕ್‌ ಮಾಡಿತ್ತು.ಆದರೆ, ಕೊನೆಯ ಎಸೆತದವರೆಗೂ ಹೋರಾಟ ನಡೆಸಿದ ಆರ್‌ಸಿಬಿ ಅಂತಿಮವಾಗಿ ಸೋಲು ಒಪ್ಪಿಕೊಂಡಿತು.

ಕೊನೆಯ ಓವರ್‌ನಲ್ಲಿ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ಗೆ ಎರಡು ರನ್‌ಗಳ ಅಗತ್ಯವಿತ್ತು, ಈ ವೇಳೆ ಅದ್ಭುತ ಬೌಲಿಂಗ್‌ ಮಾಡಿದ ಯಜ್ವೇಂದ್ರ ಚಹಲ್, ಕೊನೆಯ ಎಸೆತಕ್ಕೆ ಒಂದು ರನ್‌ಗೆ ತಂದಿಟ್ಟರು. ಬಳಿಕ ನಿಕೋಲಸ್‌ ಪೂರನ್‌ ಸಿಕ್ಸರ್‌ ಸಿಡಿಸುವ ಮೂಲಕ ಪಂಜಾಬ್‌ಗೆ ಎಂಟು ವಿಕೆಟ್‌ಗಳ ಗೆಲುವು ತಂದಿತ್ತರು.
“ಇದು ಸಾಕಷ್ಟು ಆಶ್ಚರ್ಯಕರವಾಗಿತ್ತು, ಪಂದ್ಯವು 18ನೇ ಓವರ್‌ನಲ್ಲಿ ಮುಗಿಯಬಹುದೆಂದು ನಾವು ಭಾವಿಸಿದ್ದೇವೆ. ಬ್ಯಾಕೆಂಡ್‌ನಲ್ಲಿ ಸ್ವಲ್ಪ ಒತ್ತಡವಿತ್ತು, ಇದು ನಿಮಗೆ ಗೊಂದಲಗೊಳಿಸುತ್ತದೆ, ಈ ಆಟದಲ್ಲಿ ಏನು ಬೇಕಾದರೂ ಆಗಬಹುದು” ಎಂದು ಹೇಳಿದರು.

“ಹಿಂದಕ್ಕೆ ಹೊಗಿ ಏನಾದರೂ ಕಲಿಯಬೇಕೆಂಬುದನ್ನು ನಾವು ಅರ್ಥ ಮಾಡಿಕೊಂಡಿದ್ದೇವೆ. ಕೊನೆಯ ಓವರ್‌ನಲ್ಲಿ ಯಜ್ವೇಂದ್ರ ಚಹಲ್‌ ಅವರ ಜತೆ ಸಂಭಾಷಣೆ ಮಾಡಿರಲಿಲ್ಲ. ಆದರೆ, ಕೊನೆಯ ಎಸೆತದಲ್ಲಿ ಅವರೊಂದಿಗೆ ಮಾತನಾಡಲಾಗಿತ್ತು. ನಿಕೋಲಸ್‌ ಪೂರನ್‌ ಅವರಿಗೆ ಗೆಲುವಿನ ಶ್ರೇಯ ಸಲ್ಲುತ್ತದೆ,” ಎಂದು ವಿರಾಟ್‌ ಕೊಹ್ಲಿ ತಿಳಿಸಿದರು.

ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ಗೆದ್ದಿರುವ ಎರಡೂ ಪಂದ್ಯಗಳು ಆರ್‌ಸಿಬಿ ವಿರುದ್ಧ ಎಂಬುದು ವಿಶೇಷ. ಶನಿವಾರ ರಾಜಸ್ಥಾನ್‌ ರಾಯಲ್ಸ್ ವಿರುದ್ಧ ಆರ್‌ಸಿಬಿ ಸೆಣಸಲಿದೆ.

Related Articles

Leave a Reply

Your email address will not be published. Required fields are marked *

Back to top button
error: Content is protected !!