Sports

ಸುನೀಲ‌ ನರೇನ್‌ ಕೋಲ್ಕತಾ ನೈಟ್‌ ರೈಡರ್ಸ್‌ನ ಕೀ ಆಟಗಾರ: ದಿನೇಶ‌ ಕಾರ್ತಿಕ‌

ಅಬುಧಾಬಿ, ಅ 8 – ಬುಧವಾರ ಚೆನ್ನೈ ಸೂಪರ್‌ ಕಿಂಗ್ಸ್ ವಿರುದ್ಧ 10 ರನ್‌ಗಳ ಗೆಲುವು ದಾಖಲಿಸಿದ ಬಳಿಕ ಮಾತನಾಡಿದ ಕೋಲ್ಕತಾ ನೈಟ್‌ ರೈಡರ್ಸ್ ತಂಡದ ನಾಯಕ ದಿನೇಶ‌ ಕಾರ್ತಿಕ‌, ಪಂದ್ಯದಲ್ಲಿ ಅತ್ಯುತ್ತಮ ಬೌಲಿಂಗ್‌ ಪ್ರದರ್ಶನ ತೋರಿದ ಸುನೀಲ ನರೇನ‌ ಅವರನ್ನು ಶ್ಲಾಘಿಸಿದರು.

168 ರನ್‌ಗಳ ಗುರಿ ಹಿಂಬಾಲಿಸಿದ ಚೆನ್ನೈ ಸೂಪರ್‌ ಕಿಂಗ್ಸ್, ಒಂದು ಹಂತದಲ್ಲಿ 12 ಓವರ್‌ಗಳಿಗೆ ಒಂದು ವಿಕೆಟ್‌ ಕಳೆದುಕೊಂಡು 99 ರನ್‌ಗಳನ್ನು ಗಳಿಸಿತ್ತು. ಈ ವೇಳೆ ಸುನೀಲ್‌ ನರೇನ್‌ ಪುಟಿದೇಳಿದರು. ಅವರು ಡೆತ್‌ ಓವರ್‌ಗಳಲ್ಲಿ ಸಿಎಸ್‌ಕೆ ತಂಡವನ್ನು ಕಟ್ಟಿ ಹಾಕಿದರು. ಇನಿಂಗ್ಸ್‌ನ ಎರಡನೇ ಅವಧಿಯಲ್ಲಿ ಚೆನ್ನೈ ಬ್ಯಾಟ್ಸ್‌ಮನ್‌ಗಳು ವೆಸ್ಟ್ ಇಂಡೀಸ್‌ ಸ್ಪಿನ್ನರ್‌ ಎದುರು ತಬ್ಬಿಬ್ಬಾದರು.

ಬೌಲರ್‌ಗಳ ಅತ್ಯದ್ಭುತ ಪ್ರದರ್ಶನದಿಂದ ಕೋಲ್ಕತಾ ನೈಟ್‌ ರೈಡರ್ಸ್ ತಂಡ ಮೂರು ಬಾರಿ ಚಾಂಪಿಯನ್ಸ್ ಚೆನ್ನೈ ಸೂಪರ್‌ ಕಿಂಗ್ಸ್ ವಿರುದ್ಧ 10 ರನ್‌ಗಳಿಂದ ಗೆಲುವು ಸಾಧಿಸಿತು. ಪಂದ್ಯದ ಬಳಿಕ ಮಾತನಾಡಿದ ದಿನೇಶ್‌ ಕಾರ್ತಿಕ್‌, ಎಲ್ಲಾ ತಂಡದಲ್ಲಿಯೂ ಕೀ ಆಟಗಾರ ಇರುತ್ತಾರೆ. ನಮಗೆ ಸುನೀಲ್‌ ನರೇನ್ ಕೀ ಪ್ಲೇಯರ್‌ ಎಂದು ಗುಣಗಾನ ಮಾಡಿದರು.

ರಾಹುಲ್‌ ತ್ರಿಪಾಠಿ ಅವರ ಅದ್ಭುತ ಬ್ಯಾಟಿಂಗ್‌ ನೆರವಿನಿಂದ ಕೋಲ್ಕತಾ ನೈಟ್‌ ರೈಡರ್ಸ್ ನಿಗದಿತ 20 ಓವರ್‌ಗಳಿಗೆ 167 ರನ್‌ಗಳನ್ನು ದಾಖಲಿಸಿತು. ರಾಹುಲ್‌ ತ್ರಿಪಾಠಿ 51 ಎಸೆತಗಳಲ್ಲಿ 81 ರನ್‌ಗಳನ್ನು ಸಿಡಿಸಿದರು. ಆ ಮೂಲಕ ಸಿಎಸ್‌ಕೆ ಸ್ಪರ್ಧಾತ್ಮಕ ಗುರಿ ನೀಡಲು ಕೆಕೆಆರ್‌ಗೆ ನೆರವಾದರು.

“ಅದ್ಬುತ ಪ್ರದರ್ಶನ ತೋರಿದ ರಾಹುಲ್‌ ತ್ರಿಪಾಠಿ ಅವರ ಕಾರ್ಯವನ್ನು ನೋಡಲು ಸಂತೋಷವಾಗುತ್ತದೆ. ಆಂಡ್ರೆ ರಸೆಲ್‌ ಅವರ ಬಗ್ಗೆ ಒಳ್ಳೆಯ ಸಂಗತಿ ಏನೆಂದರೆ, ಅವರು ಬಹುಮುಖ ಪ್ರತಿಭೆ. ಕೆಲವೊಮ್ಮೆ ಬ್ಯಾಟಿಂಗ್‌ನಲ್ಲಿ ಅಗ್ರ ಸ್ಥಾನಕ್ಕೇರುತ್ತಾರೆ, ಕೆಲವೊಮ್ಮೆ ಕೆಳಗೆ ಇಳಿಯುತ್ತಾರೆ. ನಮ್ಮ ಬ್ಯಾಟಿಂಗ್‌ ತುಂಬಾ ದ್ರವವಾಗಿದೆ,” ಎಂದು ಕಾರ್ತಿಕ್‌ ತಿಳಿಸಿದರು.

“ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಅನ್ನು ಆರಂಭಿಸಿದ ನಾನು, ಇಂದಿನ (ಬುಧವಾರ) ಪಂದ್ಯದಲ್ಲಿ ಏಳನೇ ಕ್ರಮಾಂಕದಲ್ಲಿ ಆಡಿದೆ. ಆರಂಭದಲ್ಲಿ ಬ್ಯಾಟಿಂಗ್‌ ಮಾಡಿದ ಬ್ಯಾಟ್ಸ್‌ಮನ್‌ಗಳು ತುಂಬಾ ಚೆನ್ನಾಗಿ ಆಡಿದ್ದಾರೆ ಹಾಗೂ ಬ್ಯಾಕೆಂಡ್‌ನಲ್ಲಿ ಸುನೀಲ್‌ ನರೇನ್‌ ಹಾಗೂ ವರುಣ್‌ ಚಕ್ರವರ್ತಿ ಅವರ ಮೇಲೆ ಸಾಕಷ್ಟು ನಂಬಿಕೆ ಇದೆ,” ಎಂದು ದಿನೇಶ್‌ ಕಾರ್ತಿಕ್‌ ಸೇರಿಸಿದರು.

ಕೋಲ್ಕತಾ ನೈಟ್‌ ರೈಡರ್ಸ್ ಶನಿವಾರ ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ವಿರುದ್ಧ ಸೆಣಸಲಿದೆ.

Related Articles

Leave a Reply

Your email address will not be published. Required fields are marked *

Back to top button
error: Content is protected !!